პარტია სახელმწიფო ხალხისთვის ლიდერი, პაატა ბურჭულაძე რადიო ამერიკის ხმასთან ინტერვიუში თავის პარტიასთან თანამშრომლობის მსურველების მიმართ ზეწოლაზე საუბრობს:

"ძალიან მძიმედ მიმდინარეობს საარჩევნო გარემო, მეტი რომ არ შეიძლება ისე. ზეწოლა არის ხელისუფლების, კერძოდ სუსის მხრიდან. მეტსაც გეტყვით, სუსი სულ სხვა რამითაა დაკავებული, იმით რაც მას არ ეხება. ვისაც ჩვენ შევთავაზეთ მაჟორიტარობის კანდიდატობა ან ჩვენთან მუშაობა, მათ დაურეკეს, ან დააშინეს ან სამსახური შესთავაზეს და ისინი უკვე მუშაობენ".

პაატა ბურჭულაძემ კონკრეტული გვარების დასახელებისაგან თავი შეიკავა. მისი აზრით, თავისი პარტიიდან ორი პირის დაკავება, ასევე ზეწოლასთანაა დაკავშირებული:

"ჩვენთან თბილისში ხუმრობენ კიდეც, რომ თუ გინდა კარგი სამსახური, დაურეკე პარტიას სახელმწიფო ხალხისთვის, შესთავაზე შენი თავი და იმავე წუთს დაგირეკავს სუსი, არ გინდა იქ წასვლა და მოდი სამსახურს მოგცემთო. ვანშიც მოხდა კიდევ ის რომ ჩვენი ოფისის უფროსი დაიბარეს და უთხრეს რომ ჩვენთან აღარ მოსულიყო. შეშინებულია მთავრობა".