ქუთაისში 25 წლის ქალი ოჯახური ძალადობის მსხვერპლი გახდა. მისი განცხადებით, მას შემდეგ რაც ქმარს ძალადობისთვის უჩივლა, თავისი ძმა და ბიძაშვილი ფსიქოლოგიურად და ფიზიკურად ძალადობენ. ამის შესახებ დაზარალებული რუსთავი 2-თან ინტერვიუში საუბრობს.

"რას ქვია შენ ეს გაბედე და ძაღლებთან მიდი. რას გიშველის, ვერავინ ვერაფერს ვერ გიზამს", - დაზარალებულის თქმით, ძმა და ბიძაშვილი მას ეუბნებიან, რომ ქმარს გამოშრებული ოჯახი არ ჭირდებათ.

დაზარალებული დახმარებას ითხოვს. მისი განცხადებით, სახელმწიფოს ფინანსურ მხარდაჭერას არ თხოვს და თავის რჩენა თავად შეუძლია, მაგრამ დაცვა სჭირდება:

"რაღაცა ბერკეტი უნდა არსებობდეს, მარტო ქმარი არ არის მოძალადე, არის ძმაც, ფსიქოლოგიურად, ჰქონდა ფიზიკური შეურაცხყოფის მცდელობაც, სიტყვიერიც, ვერ ვიტყვი ახლა ამ სიტყვებს. ყველაირად ვცდილობ, რომ ყველას მივაწვდინო ხმა."

შინაგან საქმეთა სამინისტროს განცხადებით, მომხდარზე გამოძება სისხლის სამართლის კოდექსის 372 მუხლის მიხედვით დაიწყო, რაც გამოსაკითხ პირზე ზემოქმედებას გულისხმობს.