NDI-მ საზოგადოებრივი აზრის კვლევის შედეგები წარადგინა, რომლის თანახმადაც, მოსახლეობის 25 პროცენტს მიაჩნია, რომ ქვეყანა სწორი მიმართულებით ვითარდება, 34 პროცენტი მიიჩნევს, რომ ქვეყანაში მდგომარეობა უცვლელია, 33 პროცენტს ჰგონია, რომ საქართველო არასწორი მიმართულებით ვითარდება, 8 პროცენტმა კი არ იცის, რა მიმართულებით ვითარდება ქვეყანა.

კვლევის შედეგების თანახმად, თბილისის მოსახლების 28 პროცენტი მიიჩნევს, რომ ქვეყანა სწორი მიმართულებით ვითარდება, 30 პროცენტი მიიჩნევს, რომ მდგომარეობა უცვლელია, 33 პროცენტი მიიჩნევს, რომ ჩვენი ქვეყანა არასწორი მიმართულებით ვითარდება, 3 პროცენტმა შეკითხვაზე, როგორი მიმართულებით ვითარდება საქართველო, პასუხი - არ ვიცი შემოხაზა.

გარდა ამისა, ქალაქის მოსახლების 21 პროცენტი მიიჩნევს, რომ ქვეყანა სწორი მიმართულებით ვითარდება, 33 პროცენტი მიიჩნევს, რომ მდგომარეობა უცვლელია, 33 პროცენტი მიიჩნევს, რომ ჩვენი ქვეყანა არასწორი მიმართულებით ვითარდება, 7 პროცენტმა შეკითხვაზე, როგორი მიმართულებით ვითარდება საქართველო, პასუხი - არ ვიცი შემოხაზა.

რაც შეეხება სოფელში მცხოვრებ მოსახლეობას: 24 პროცენტს მიაჩნია, რომ ქვეყანა სწორი მიმართულებით ვითარდება, 33-ს ჰგონია, რომ საქართველოში ვითარება უცვლელია, 31 პროცენტი მიიჩნევს, რომ მდგომარეობა უარესდება, ხოლო 6 პროცენტმა არ იცის.

უმცირესობათა დასახლებაში მცხოვრები ადამიანების 23 პროცენტი მიიჩნევს, რომ ქვეყანა სწორი მიმართულებით ვითარდება, 26 პროცენტი მიიჩნევს, რომ მდგომარეობა უცვლელია, 21 პროცენტი მიიჩნევს, რომ ჩვენი ქვეყანა არასწორი მიმართულებით ვითარდება, 26 პროცენტმა შეკითხვაზე, როგორი მიმართულებით ვითარდება საქართველო, პასუხი - არ ვიცი შემოხაზა.

NDI-ის გამოკითხვა 2016 წლის 8 ივნისიდან 6 ივლისის პერიოდში, საქართველოს მასშტაბით 4 113 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულენოვან, სომხურენოვან და აზერბაიჯანულენოვან მოსახლეობას შორის ჩატარდა. კვლევაში საშუალო ცდომილების ზღვარი არის +/- 2,1%.

კვლევას აფინანსებს შვედეთის საერთაშორისო თანამშრომლობის განვითარების სააგენტო (SIDA) და ატარებს CRRC-საქართველო.