ნაციონალური მოძრაობის წევრი, სალომე სამადაშვილი ამბობს, რომ სირიამ პუტინის რეჟიმის დაკვეთა შეასრულა. ასე გამოეხმაურა დეპუტატი დღეს, 29 მაისს სირიის მიერ საქართველოს ოკუპირებული ტერიტორიები დამოუკიდებელ სახელმწიფოებად აღიარა.

"აღიარება მოხდა სირიის დღევანდელი რეჟიმის მიერ, რომელიც არის კანონგარეშე საერთაშორისო ასპარეზზე. პუტინის რეჟიმთან ერთად მასზე არის დაკისრებული საერთაშორისო სანქციები", - უთხრა მან On.ge-ს.

სამადაშვილის განმარტებით, ახლა საქართველომ დიპლომატიური ძალისხმევა უნდა გამოიყენოს, რათა პროცესი არ დაიძრას და სხვა ქვეყნებმა მსგავსი შესაძლებლობა არ განიხილონ.

სირიის საგარეო საქმეთა სამინსიტროს განცხადებაში წერია, რომ აფხაზეთმა და ოსეთმა სირიის წინააღმდეგ მიმართული ტერორისტული აგრესია აღიარეს. უწყების განცხადებით, აღიარება დიპლომატიური ურთიერთობების, საელჩოების დონეზე დამყარდება.

გაიგეთ მეტი: