საოკუპაციო რეჟიმის მიერ გატაცებული 77 წლის მწყემსი გაათავისუფლეს. ამის შესახებ ინფორმაცია On.ge-ს სახელმწიფო უსაფრთხოების სამსახურმა დაუდასტურა.

უწყების ინფორმაციით, გათავისუფლებული ცენტრალური ხელისუფლების მიერ კონტროლირებად ტერიტორიაზე იმყოფება.

მწყემსი დღეს, 20 აპრილს მაშინ დააკავეს, როდესაც საქონელს მწყემსამდა. სუს-ის განცხადებით, საქართველოს მოქალაქე ე.წ საზღვრის უკანონო კვეთის ბრალდებით დააკავეს.