ფეხბურთის ფედერაციის ცნობით, გუშინ, 16 მარტს, თბილისში, შატილის სტადიონზე თბილისის მარკ სტარისა და გურჯაანის ალაზნის მატჩის დროს მოედანზე შეჭრილი გულშემატკივრის გამო მატჩი შეწყდა. მოედანზე დაწყებული არეულობა სტადიონის მიმდებარე ტერიტორიაზე გაგრძელდა. დაპირისპირების დროს ალაზნის ორ ფეხბურთელს ფიზიკური დაზიანება მიაყენეს.

როგორც ON.ge-ს შსს-ში განუცხადეს, მომხდარი ფაქტზე ერთი პირი უკვე დააკავეს. საქმე აღძრულია სისხლის სამართლის კოდექსის 118-ე და 239-ე მუხლებით. პირველი ჯანმრთელობის განზრახ ნაკლებად მძიმე დაზიანებას, ხოლო მეორე ხულიგნობას გულისხმობს.