25 წლამდე ასაკის გოგოს სავარაუდო მკვლელს, შემთხვევამდე 2 საათით ადრე, სამართალდამცავებმა შემაკავებელი ორდერი გამოუწერეს. ამის შესახებ ინფორმაციას TV პირველი ავრცელებს.

ფოტო: კადრი ვიდეოდან / TV პირველი

ტელეკომპანიის ინფორმაციით, სავარაუდო მკვლელის მიმართ ორდერის შედგენის საფუძვლად სახელდება ის, რომ გარდაცვლილი გოგოს დედაზე ფსიქოლოგიურად ძალადობდა. აღნიშნული პირი გარდაცვლილის დედის ყოფილი ქმარია.

აღნიშნულთან დაკავშირებით On.ge შინაგან საქმეთა სამინისტროსგან კომენტარს ელოდება.

დღეს, 13 აპრილს, დაახლოებით 7 სააათზე, თბილისში, ბარნოვის ქუჩაზე ახალგაზრდა ქალს შვილების თანდასწრებით ყელი გამოჭრეს.