საქართველოს პრეზიდენტი გიორგი მარგველაშვილი მინდელის შახტში მომხდარ ტრაგედიას ეხმაურება.

პრეზიდენტის თქმით, ტყიბულში მომხდარი უბედური შემთხვევა ცხადყოფს, რომ შრომის უსაფრთხოების მიმართულებით არსებული მდგომარეობა დრამატულად მძიმე და მიუღებელია.

პრეზიდენტს მიაჩნია, რომ სახელმწიფო და საზოგადოება სამუშაო ადგილებზე მსგავს ვითარებას არ უნდა შეეგუოს.

"საჭიროა მთელი საზოგადოების, მათ შორის, დამსაქმებელთა და ცხადია, პირველ რიგში, ხელისუფლების ძალისხმევა მივმართოთ შრომის უსაფრთხოების წესების აღსრულების უმკაცრესი კონტროლისაკენ, ვინაიდან ეს აღარ არის მხოლოდ დასაქმებულთა უსაფრთხოების, არამედ ეს გახლავთ სიკვდილ - სიცოცხლის თემა",- ნათქვამია საქართველოს პრეზიდენტის განცხადებაში.

ტყიბულში, მინდელის სახელობის შახტში 6 მუშა დაიღუპა, 3 დაშავდა.

დაშავებული სამი მეშახტიდან ორის მდგომარეობა სტაბილურად მძიმეა.