საზოგადოებრივი მაუწყებლის შესახებ მაუწყბლობის შესახებ კანონში შესატანი ცვლილებების კანონპროექტზე საქართველოს პარლამენტმა ვეტო დაძლია.

ცვლილებების მიხედვით, საზოგადოებრივ მაუწყებელს კომერციული რეკლამის დამატებით განთავსების უფლება ექნებოდა და რიგ შემთხვევაში ტენდერის გარეშე მომსახურების შეძენა შეეძლებოდა. ცვლილებების ასამოქმედებლად პარლამენტის მიერ ვეტოს დაძლევა იყო საჭირო.

პრეზიდენტს მიაჩნია, რომ სარეკლამო ბაზარი ისედაც მილევადია, ყოველწლიურად მცირდება და საზოგადოებრივი მაუწყებლის სიკეთე არ უნდა დაუპირისპირდეს მედიამრავალფეროვნებას. მისი თქმით, გარანტირებული დაფინანსების მქონე მაუწყებლის სარეკლამო ბაზარზე შესვლით მედიაბაზარი დაზარალდება.

პრეზიდენტმა ისაუბრა ტენდერის გარეშე მომსახურების შესყიდვაზე. პრეზიდენტს მიაჩნია, რომ კანონი შესაცვლელია, თუმცა შეთავაზებული კანონპროექტი "ფაქტიურად აუქმებს" საჯარო ფინანსების გამჭვირვალედ ხარჯვის შესაძლებლობას.

კანონპროექტზე ვეტოს დადებამდე ქართული ოცნების წევრი, სოფო კილაძე ამბობდა, რომ ვეტოს დადების შემთხვევაში მას დაძლევდნენ.

იმის მიუხედავად, რომ დარგობრივმა კომიტეტმა პირველი მოსმენით დათქმით მიიღო, მეორე და მესამე მოსმენით კი მხარი არ დაუჭირა პროექტს პარლამენტმა კანონპროექტი სამივე მოსმენით მაინც მიიღო.