22 არასამთავრობო ორგანიზაცია მიმართავს პრეზიდენტს თხოვნით, რომ გამონაკლისის წესით მიანიჭოს საქართველოს მოქალაქეობა მუსტაფა ემრე ჩაბუქს და მისი ოჯახის წევრებს:

"ვფიქრობთ, ამ ნაბიჯით მათი უფლებები უფრო მეტად იქნება გარანტირებული და დაცული საქართველოს ტერიტორიაზე".

განცხადებაში ნათქვამია, რომ ჩაბუქის მიმართ განხორციელებული ქმედებები დემირელის სკოლის სხვა მასწავლებლებისა და მათი ოჯახის წევრებისთვის არაპირდაპირი გზავნილია და ისინი თავს დაცულად ვერ გრძნობენ საქართველოს ტერიტორიაზე. ამიტომაც ისინი დემირელის კოლეჯისა და შავი ზღვის უნივერსიტეტის პედაგოგებსთვის მოქალაქეობის მინიჭებას ასევე ითხოვენ.

ქართველმა სამართალდამცავებმა მუსტაფა ეემრე ჩაბუქი 2017 წლის 24 მაისს, თურქეთის მხარის მოთხოვნით დააკავეს და მას წინასაექსტრადიციო პატიმრობა შეუფარდეს, ხოლო ოჯახის წევრები, მათზე განხორციელებული მუქარის გამო, საქართველოს მთავარმა პროკურატურამ დაცვის სპეციალურ პროგრამაში ჩართო.

23 აგვისტოს თბილისის საქალაქო სასამართლომ მუსტაფა ჩაბუქს წინასაექსტრადიციო პატიმრობა შეუფარდა. პატიმრობის ვადა მას 23 თებერვალს ეწურება.

განცხადებას ხელს 22 არასამთავრობო ორგანიზაცია აწერს ხელს:

  • საერთაშორისო გამჭვირვალობა - საქართველო;
  • საქართველოს ახალგაზრდა იურისტთა ასოციაცია;
  • სამართლიანი არჩევნებისა და დემოკრატიის საერთაშორისო საზოგადოება;
  • ადამიანის უფლებების სწავლებისა და მონიტორინგის ცენტრი;
  • კავშირი საფარი;
  • საქართველოს დემოკრატიული ინიციატივა;
  • მედიის განვითარების ფონდი;
  • ეკონომიკური პოლიტიკის კვლევის ცენტრი;
  • მწვანე ალტერნატივა;
  • ფონდი ღია საზოგადოება საქართველო;
  • საქართველოს ფერმერთა ასოციაცია;
  • საქართველოს ატლანტიკური საბჭო;
  • კვლევითი ჟურნალისტიკისა და ადვოკატირების ცენტრი;
  • საზოგადოება და ბანკები;
  • კონსტიტუციის 42-ე მუხლი;
  • ინფორმაციის თავისუფლების განვითარების ინსტიტუტი;
  • სტრატეგიული კვლევების რეგიონული ცენტრი;
  • სამოქალაქო განვითარების სააგენტო;
  • ადამიანის უფლებათა ცენტრი;
  • კახეთის რეგიონული განვითარების ფონდი;
  • საქართველოს რეფორმების ასოციაცია;
  • ტოლერანტობისა და მრავალფეროვნების ინსტიტუტი.