რუსეთის პრეზიდენტმა, ვლადიმერ პუტინმა კომუნისტური იდეოლოგია ქრისტიანობას შეადარა. ამის შესახებ პუტინმა რუსეთის პირველი არხის ეთერში ისაუბრა:

"თავისუფლება, ძმობა, თანასწორობა, სამართლიანობა - ეს ყველაფერი წმინდა ნაწერებშია ჩადებული. და კომუნიზმის შემქმნელის კოდექსი? ეს არის სუბლიმაცია, პრიმიტიული ნაწყვეტი ბიბლიიდან, არაფერი ახალი მათ არ მოუფიქრებიათ."

პუტინმა, ასევე, ლენინის გვამი წმინდანების ნაწილებს შეადარა.

"ლენინი მავზოლეუმში დაასვენეს. რით განსხვავდება ეს წმინდანთა ნაწილებისგან? როცა მეუბნებიან, რომ ქრისტიანულ სამყაროში ასეთი ტრადიცია არ არსებობს, როგორ არ აქვს? გაემგზავრეთ ათონის მთაზე, მოინახულეთ."