ოკუპირებულ ახალგორში, კერძოდ ლენინგორში ორი საბავშვო ბაღი დაიხურა და ახალი სკოლამდელი აღზრდის დაწესებულების გახსნაა დაგეგმილი. ამის შესახებ ინფორმაციას სააგენტო რეს ავრცელებს.

დე-ფაქტო განათლების მინისტრის, ელისა გაგლოევას თქმით, პერსონალის შერჩევის მთავარი კრიტერიუმი რუსულისა და ოსური ენების კარგად ცოდნა იყო.

ახალგორის ბაგა-ბაღებში ქართულენოვანი ჯგუფების გაუქმების შესახებ 11 აგვისტოს გახდა ცნობილი.

ქართულენოვანი სწვალების გაუქმება დე-ფაქტო მმართველს, ანატოლი ბიბილოვს ეკუთვნის. ანატოლი ბიბილოვი 9 ივნისს ახალგორის რაიონს ეწვია. მან უკმაყოფილება გამოხატა იმ ფაქტით, რომ ზოგიერთ ადგილობრივ სკოლაში სწავლება ქართულ ენაზე მიმდინარეობს და ქართული სკოლების რეგიონის საერთო სასწავლო სტანდარტზე გადაყვანის ბრძანება გასცა.