ბათუმში მიკროავტობუსების მძღოლებმა მგზავრობის საფასური 20 პროცენტით გაზარდეს. მგზავრობს გაზრდილი საფასურის გადახდა დღეს, 6 იანვრიდან, უწევთ. მგზავრობის საფასურის 40-დან 50 თეთრამდე გაზრდაზე ინფორმაციას საზოგადოებრივი მაუწყებლის აჭარის ტელევიზია ავრცელებს.

ბათუმის მერი, ლაშა კომახიძე, აჭარის ტელევიზიასთან საუბრისას ამბობს, რომ ტარიფის მომატების შესახებ მერიაში განცხადება შევიდა, თუმცა პასუხად ფასის გაზრდის დასაბუთება მოითხოვეს.

"ჩემი ვარაუდით ეს ეხება საწვავის გაძვირებას. ტარიფი გაზრდილია ჩვენი ნებართვის გარეშე. მგზავრებს შეუძლიათ შესაბამისი რეაგირება ჰქონდეთ ამაზე", - აღნიშნა კომახიძემ და დასძინა, რომ სატრანსპორტო კუთხით სიახლეებს გეგმავენ.