აშშ-ს ელჩმა გაეროში ნიკი ჰეილიმ იმ ქვეყნების წარმომადგენლები, რომლებმაც გუშინ, 22 დეკემბერს, დონალდ ტრამპის გადაწყვეტილების საწინააღმდეგო რეზოლუციას მხარი არ დაუჭირეს, მიღებაზე მიიწვია.

ოფიციალურ მიწვევაში წერია, რომ იგი 2018 წლის 3 იანვარს გაიმართება:

"გაერო-ში აშშ-ის მუდმივი წარმომადგენელი ნიკი ჰეილი გეპატიჟებით მიღებაზე, რათა მადლობა გადაგიხადოთ აშშ-სთან მეგობრობისათვის".

21 დეკემბერს, გაერთიანებული ერების ორგანიზაციამ აშშ-ის პრეზიდენტ დონალდ ტრამპის გადაწყვეტილება იერუსალიმის ისრაელის დედაქალაქად აღიარების შესახებ დაგმო, 128 ხმით 9-ის წინააღმდეგ. ხოლო, 35-მა სახელმწიფომ, როგორიცაა კანადა, მექსიკა და ავსტრალია კენჭისყრაში მონაწილეობა არ მიიღო. თავი შეიკავა საქართველომაც.

აშშ-ის ელჩი გაეროში, ნიკი ჰეილი ორგანიზაციასა და მსოფლიოს დაფინასების შეწყვეტით ემუქრებოდა. ჰეილის თქმით, შედეგის მიუხედავად, აშშ თავის საელჩოს თელ-ავივიდან იერუსალიმში მაინც გადაიტანს.

აშშ-სთან ერთად რეზოლუციის წინააღმდეგ ხმა მისცა ისრაელმა, მიკრონეზიამ, ნაურუმ, ტოგო და ტონგამ, პალაუმ, მარშალის კუნძულებმა, გვატემალამ და ჰონდურასმა.