საქართველოს რკინიგზის დირექტორად თანაინვესტირების ფონდის თანამშრომელი, დავით ფერაძე დაინიშნა. ფერაძე თანაინვესტირების ფონდში შპს მტკვარი ჰესის დირექტორის თანამდებობას იკავებდა. ახალი დირექტორის შესახებ ინფორმაცია რკინიგზის ვებგვერდზე გამოქვეყნდა.

უწყებაში აღნიშნავენ, რომ დავით ფერაძე საქართველოს რკინიგზაში 2004 წლიდან 2007 წლამდე სხვადასხვა პოზიციაზე მუშაობდა.

დირექტორის ცვლილება საჯარო რეესტრში უკვე ასახულია.

რკინიგზის დირექტორის თანამდებობას ფერაძემდე ფინანსთა მოქმედი მინისტრი მამუკა ბახტაძე იკავებდა.