თბილსერვის ჯგუფმა გმირთა მოედნის მიწისქვეშა გადასასვლელების მორეცხვა და ელექტროგაყვანილობის მოწყობა დაიწყო.

ამის შესახებ, კომპანიამ ფეისბუქის საკუთარ გვერდზე ფოტოები და განცხადება გამოაქვეყნა, სადაც ნათქვმია, რომ მიწისქვეშა გადასასვლელს სპეციალური ხსნარით ე.წ. კერხერის აპარატით ამუშავებენ.

პარალელურად, მიმდინარეობს განათების ქსელის მოწყობა, რაც მათივე ცნობით, ორ დღეში დასრულდება.

ფოტო: თბილსერვის ჯგუფი

ფოტო: თბილსერვის ჯგუფი

დღეს, 7 ნოემბერს თბილისის ახლადარჩეულმა მერმა, კახა კალაძემ ზოოპარკისა და ცირკის მიმდებარე ტერიტორიაზე მიწისქვეშა გადასასვლელი დაათვალიერა და თქვა, რომ იქ არსებული მდგომარეობა ძალიან მძიმეა:

"შეუძლებელია, პირბადის გარეშე გაიარო გადასასვლელი".

კალაძემ თბუილსერვის ჯგუფის ხელმძღვანელს მიმართა, რომ დღესვე დაეწყოთ გვირაბების მორეცხვა და ელექტროგაყვანილობისა და განათების მოწყობა.