კრეატიული ინდუსტრიით დაინტერესებული ახალგაზრდებისთვის, საქართველოს ბანკისა და Miami Ad School-ის ნიკა გუჯეჯიანის სახელობის სასტიპენდიო პროგრამაზე განაცხადების მიღება მიმდინარეობს და 8 ივნისს, 19:00 საათზე დასრულდება.

პროგრამა ახალგაზრდებს შესაძლებლობას აძლევს, ისწავლონ მადრიდში სრული დაფინანსებით, ერთწლიან პროგრამაზე.

სასტიპენდიო პროგრამაში მონაწილეობა საქართველოს ნებისმიერ მოქალაქეს შეუძლია, რომელსაც აქვს ბაკალავრის ხარისხი და სურს, მიიღოს როგორც თეორიული ცოდნა, ისე პრაქტიკული გამოცდილება Miami Ad School Madrid-ში.

გამარჯვებულების შერჩევა ჟიურის მიერ, მონაწილეების მიერ გაგზავნილი სამოტივაციო წერილის, პორტფოლიოს, პერსონალური პროექტების, იდეებისა და ექსპერიმენტების გათვალისწინებით ხდება.

წელს ჟიურის წევრები არიან:

  • ანა ჰიდალგო, Miami Ad School Madrid-ის მმართველი დირექტორი
  • პაულა კაბანილასი, Miami Ad School Madrid-ის კრეატიული დირექტორი
  • პრანაი სური, Independent Creative და მასწავლებელი
  • ეკა ყიფიანი, კრეატიული დირექტორი და Supermarket-ის თანადამფუძნებელი
  • ბექა გუჯეჯიანი, არქიტექტორი, Kera-ს თანადამფუძნებელი
  • გიორგი პოპიაშვილი, კრეატიული დირექტორი
  • ლევან გომშიაშვილი, საქართველოს ბანკის აღმასრულებელი დირექტორის მოადგილე, მარკეტინგის, ციფრული ბანკინგისა და CX-ის მიმართულების ხელმძღვანელი
  • აკო ახალაია, Marketer.ge-ს დამფუძნებელი

ნიკა გუჯეჯიანის სახელობის სასტიპენდიო პროგრამაზე დამატებითი ინფორმაცია და სარეგისტრაციო ფორმა ხელმისაწვდომია ბმულზე.

ინფორმაციისთვის, საქართველოს ბანკის და ნიკა გუჯეჯიანის სახელობის სტიპენდია მოიცავს სწავლის სრულ დაფინანსებას და ადგილის ჯავშნის საფასურს (Reservation fee). წელს Copywriting-ისა და Art Direction-ის პროგრამებს გარდა, სტიპენდიატებს შესაძლებლობა ექნებათ, ისწავლონ ერთ-ერთ ყველაზე მოთხოვნად მიმართულებაზე — Creativity & Artificial Intelligence (შემოქმედება და ხელოვნური ინტელექტი).

საქართველოს ბანკის საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.