შინაგან საქმეთა მინისტრი აცხადებს, რომ ყიზილაჯლოში მომხდარი თავდასხმა პოლიტიკურ ჭრილში არ უნდა განიხილებოდეს. ამის შესახებ გიორგი მღებრიშვილმა მერნეულში, შემთხვევის ადგილზე ჩასვლისას განაცხადა:

"ჩემი თხოვნა იქნება რომ პოლიტიკური სარჩული მოვხსნათ ამ თემას. მიუხედავად ამისა ჩვენ ყველა ვერსიაზე ვმუშაობთ. განიხილავთ ყველა ვერსიას. ვფიქრობ უახლოეს საათებში ჩვენ უფრო მეტი ინფორმაცია გვექნება".

გუშინ 19 ოქტომბერს, გვიან ღამით, მარნეულის რაიონის სოფელ ყიზილაჯლოში, ქართული ოცნების საარჩევნო შტაბთან, დაუდგენელმა პირმა ცეცხლსასროლი იარაღიდან გასროლით ოთხი პირი დაჭრა. მათ შორის, ქართული ოცნების მაჟორიტარობის კანდიდატი ჯეიხუნ ჩოვდაროვი და საკრებულოს მოქმედი დეპუტატი.

მომხდარ ფაქტთან დაკავშირებით შსს-ში გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.