თიბისისთვის ბიზნესების ყოველდღიურობის გამარტივება ერთ-ერთი მთავარი პრიორიტეტია. იმისთვის, რომ მეწარმეებმა ბანკთან ურთიერთობისას ნაკლები დრო დახარჯონ და ოპერაციები დისტანციურად შეასრულონ, თიბისის ბიზნესმობაილბანკს მუდმივად ემატება მომხმარებლების სურვილებსა და საჭიროებებზე მორგებული ფუნქციონალები. პარალელურად, იხვეწება არსებული სერვისები და პროდუქტები, რის შედეგადაც ციფრული გამოცდილება კიდევ უფრო ეფექტური ხდება.

2025 წელს, თიბისის ბიზნესმობაილბანკს ახალი ფუნქციონალები დაემატა, რაც მეწარმეებს ფინანსური ოპერაციების სწრაფად და მარტივად შესრულების საშუალებას აძლევს.

  • ონბორდინგი

ნებისმიერ ბიზნესს შეუძლია თიბისის მომხმარებელი სრულად ონლაინ ზუსტად 90 წამში გახდეს, დამატებითი დოკუმენტებისა და რუტინული პროცედურების გარეშე.

  • ინდივიდუალური მეწარმეების ონბორდინგი

ინდივიდუალურ მეწარმეებს უკვე აქვთ ბიზნეს მობაილბანკით სარგებლობის შესაძლებლობა. თუ მომხმარებელი ფიზიკური პირის მობაილბანკს იყენებს, ბიზნეს მობაილბანკის ჩამოტვირთვასა და რეგისტრაციის გავლას იმავე იუზერით (Face ID, იუზერი და პაროლი) შეძლებს.

  • QR კოდის გენერირება

ბიზნეს მობაილბანკში შესაძლებელია ანგარიშის ნომრის QR კოდის გენერირება. ფუნქციონალი განსაკუთრებით მოსახერხებელია იმ ბიზნესებისთვის, რომლებსაც არ აქვთ ტერმინალი ან ანგარიშის ნომრის ხელით გაზიარება უწევთ. QR კოდით სარგებლობისთვის, იმ ანგარიშის ნომერს უნდა დააჭიროთ, რომლის QR-ის გაზიარებაც გსურთ. ამის შემდეგ, კოდი ავტომატურად დაგენერირდება.

  • ინვოისის შექმა

ბიზნეს ინტერნეტბანკს ინვოისის შაბლონი დაემატა, რაც ბიზნესმომხმარებლებს შესაძლებლობას აძლევს, მხოლოდ სავალდებულო ველების შევსებით მიიღონ გამზადებული დოკუმენტი

  • მომხმარებლის მენეჯმენტის ფუნქციონალი

კომპანიის დირექტორს შეუძლია ბიზნეს მობაილბანკში დაამატოს თანამშრომლები და მიანიჭოს მათ კონკრეტული უფლებები (დადასტურება, რედაქტირება და სხვ.). უფლებების მინიჭება შესაძლებელია განსაზღვრული დროით. საჭიროების შემთხვევაში, შეიძლება დროის გახანგრძლივებაც.

  • ანგარიშის გახსნა

ბიზნესმომხმარებლებს, ე.წ. ონბორდინგის დასრულების შემდეგ, ანგარიშის გახსნა უკვე დისტანციურად, ბიზნესმობაილბანკიდან შეუძლიათ.

ბიზნესების საქმიანობის კიდევ უფრო გასამარტივებლად, თიბისის ბიზნეს მობაილბანკს, 2026 წელს, კიდევ არაერთი სიახლე დაემატება.