ახალი წელი სწორედ ის დროა, როდესაც ახლებურად იწყებ მოვლენების გადააზრებას, ახალი იდეების, საკუთარი და სხვისი შესაძლებლობების დაჯერებას, გეგმების დალაგებას, საკუთარი თავისთვის და სხვებისთვის ახალი პირობების მიცემას. მაგრამ, წლის დასასრულს თუ დაჰკვირვებიხარ რამდენად შეასრულე 365 დღის წინ მიცემული პირობა, ან ჩაფიქრებული გეგმა?

სწორედ საახალწლოდ ჩაფიქრებული მიზნების ძალას ეძღვნება თიბისისა და ნიკო ნერგაძის YouTube ვიდეოების ერთობლივი სერია — არის ერთი ნიუანსის მე-5 ეპიზოდი: შეძლებ საახალწლო მიზნების შესრულებას?

აქვს თუ არა აზრი საახალწლოდ პირობების დადებასა და მიზნების დასახვას? რას ამბობს მეცნიერება? საახალწლო რეზოლუციების რამდენი პროცენტი სრულდება? — ეს არის ამ ეპიზოდის მთავარი კითხვები, რომლებსაც ვიდეო-სერიების ავტორი, ნიკო ნერგაძე, მეცნიერული კვლევებიდან გამომდინარე შეეცდება გასცეს პასუხები.

ვიდეო სერიების მიზანი ისეთ თემებზე საუბარია, რომლებიც ხშირად ზედმეტად მარტივდება საჯარო დისკუსიებში. რეალურად კი სიღრმისეულ ანალიზს, კონტექსტს და ნიუანსურ მიდგომას მოითხოვს. ჭეშმარიტება იშვიათადაა შავ-თეთრი; ყოველთვის არსებობს ნიუანსიც და კონტექსტიც, რომლებიც საკითხს საინტერესო რაკურსით წარმოადგენს. ვიდეო ეპიზოდებში ნიკო ნერგაძე ეცდება აქტუალურ პრობლემებს მეცნიერული კვლევებით გამყარებული პასუხები გასცეს.

არის ერთი ნიუანსის ეპიზოდებში, ორ კვირაში ერთხელ, ნიკო ნერგაძე სხვადასხვა სამეცნიერო და სოციალური თემის სიღრმისეულ განხილვას სთავაზობს აუდიტორიას. გაეცანი წინა ეპიზოდებს:

იწვევს თუ არა ძალადობრივი ვიდეოთამაშები ძალადობას ბავშვებში?

რამდენად სანდოა სიცრუის დეტექტორი?

შვილს წიგნის წაკითხვაში ფული გადავუხადე. სწორად მოვიქეცი?

გვიქვეითებს თუ არა ინტელექტს ხელოვნური ინტელექტი?

თიბისისთვის მნიშვნელოვანია ისეთი საგანმანათლებლო პლატფორმების მხარდაჭერა, რომლებიც საზოგადოების ინტერესს, კრიტიკულ აზროვნებასა და კვლევით კულტურას აძლიერებს. მთავარია გჯეროდეს, რომ ცოდნის ძიება არასდროს მთავრდება, გჯეროდეს, რომ კითხვების დასმა და ნიუანსებზე დაკვირვება უკეთეს პასუხებამდე მიგიყვანს.