რუსეთის პრეზიდენტმა, ძაღლების მოყვარულმა ვლადიმერ პუტინმა, დაბადების დღის საჩუქრად თურქმენეთის პრეზიდენტისგან ლეკვი მიიღო. ინფორმაციას Reuters ავრცელებს.

ფოტო: Reuters

პუტინი, რომელსაც 7 ოქტომბერს 65 წელი შეუსრულდა, თავის ახალ შინაურ ცხოველს ვერნი დაარქვა, რაც ერთგულს ნიშნავს.

ლეკვი ალაბაის ჯიშისაა და ცენტრალური აზიის მეცხვარის თურქმენული სახეობაა.

რუსეთისა და თურქმენეთის პრეზიდენტებმა შეხვედრა შავი ზღვის კურორტ სოჭში გამართეს. რუსეთმა, ერთ დროს თურქმენული ბუნებრივი აირის მთავარმა შემსყიდველმა, რესურსის შეძენა გასულ წელს, ფასზე ვერ შეთანხმების გამო შეწყვიტა. ორი ქვეყნის პრეზიდენტი სწორედ აღნიშნულ საკითხზე მოსალაპარაკებლად შეხვდნენ.

ვლადიმერ პუტინისთვის ძაღლები ადრეც უჩუქებიათ, მაგალითად იაპონიისა და ბულგარეთის ლიდერებს. პუტინის ყველაზე ცნობილი ძაღლი შავი ლაბრადორი კონია, რომელიც 2014 წელს გარდაიცვალა.