საავტომობილო გზების დეპარტამენტის განცხადებით, ზვავსაშიშროების გამო თუშეთისკენ მიმავალ საავტომობილო გზაზე ტრანსპორტით მოძრაობა აკრძალულია.

უწყების თქმით, მოძრაობა აკრძალულია ფშაველი-აბანო-ომალოს საავტომობილო გზის 30-50 კილომეტრების მონაკვეთზე. დეპარტამენტის განმარტებით, გამწმენდი სამუშაოები უკვე მიმდინარეობს.

აღნიშნული გზის 1-29 და 51-72 კილომეტრების მონაკვეთებზე დაშვებულია მხოლოდ მაღალი გამავლობის ავტოტრანსპორტის მოძრაობა.