საქართველოს მე-5 პრეზიდენტმა, სალომე ზურაბიშვილმა გაეროსა და ევროპის საბჭოს ადამიანის უფლებების უმაღლეს წარმომადგენლებს (OPCW-ს) 2024 წლის აქციებზე ქიმიური იარაღის შესაძლო გამოყენების საკითხის შესწავლისთვის მიმართა.

"მიმართვა OPCW-ს, გაეროსა და ევროპის საბჭოს ადამიანის უფლებების უმაღლეს წარმომადგენლებს, საქართველოში 2024 წლის ნოემბერ–დეკემბრის აქციების დროს ქიმიური იარაღის შესაძლო გამოყენების საკითხის შესწავლის შესახებ.

ელჩი ფერნანდო არასი — ქიმიური იარაღის აკრძალვის ორგანიზაციის (OPCW) გენერალური დირექტორი.

ვოლკერ თურქი — გაეროს ადამიანის უფლებების უმაღლესი კომისარი
მაიკლ ო'ფლაერტი — ევროპის საბჭოს ადამიანის უფლებების კომისარი," — წერს სალომე ზურაბიშვილი და დოკუმენტს აქვეყნებს.

შეგახსენებთ, BBC-ის ინფორმაციით, "ქართულმა ოცნებამ” 2024 წლის აქციებზე დემონსტრანტების დასაშლელად I მსოფლიო ომის დროინდელი ტოქსიკური ნაერთი "კამიტე" გამოიყენა.

ოცნების ხელისუფლების შინაგან საქმეთა სამინისტროს მინისტრმა, გეკა გელაძემ უარყო BBC-ს გამოძიების შედეგები და მისი განცხადებით საქართველოში უწყებას ნივთიერება "კამიტი" არასდროს არ შეუსყიდია.

შემდეგ ჟურნალისტებმა გელაძეს გომელაურის გუშინდელი კომენტარი შეახსენეს, სადაც ამბობს, რომ "ნივთიერებები, რაზეც BBC საუბრობს შსს-ს შეძენილი ჰქონდა და იყენებდა მას, ოღონდ 2012 წლამდე".

სუს-მა BBC-ის ჟურნალისტურ გამოძიებასთან დაკავშირებით გამოძიება დაიწყო. უწყების ინფორმაციით გამოძიება სამსახურებრივი უფლებამოსილების გადამეტებას და უცხოეთის ორგანიზაციისთვის მტრულ საქმიანობაში დახმარების მუხლებით დაიწყო.