ოცნების პარლამენტის თავმჯდომარე შალვა პაპუაშვილი ქართული ოცნების საკანონმდებლო ინიციატივას ეხმაურება, რომელიც "კანონთან კონფლიქტში მყოფი არასრულწლოვანის" არასრულწლოვანთა რეაბილიტაციისა და მხარდაჭერის სახლში განთავსებას ითვალისწინებს.

სამწუხაროდ, მომრავლდა შემთხვევები, როდესაც 14 წლამდე ასაკის მოზარდები ჩართული არიან ისეთ ქმედებებზე, რომელიც დანაშაულის ნიშნებს შეიცავს. მეორე, ფაქტია, რომ სავარაუდოდ, ეს არის ზრდასრული ადამიანებისგან წაქეზებით და რა თქმა უნდა, ეს მეორე განზომილებაა, როდესაც ასევე მუშაობენ სამართალდამცავი ორგანოები, რომ ასეთი ორგანიზება და წაქეზება არ ხდებოდეს, მაგრამ გამოწვევა სახეზეა.

არიან არასრულწლოვანები, რომლებსაც რამდენიმე ათეული ამგვარი დანაშაული ჩადენილი აქვთ და გამომდინარე იქიდან, რომ სისხლისსამართლებრივი პასუხისმგებლობა არ დგება 14 წლის ასაკამდე, შესაბამისად, დაუსჯელად ხდება, ერთი მხრივ, მოქალაქეების თუ სხვადასხვა ბიზნესის წინააღმდეგ მიმართული ასეთი ქმედებები, ეს ერთი, ესაა ფაქტი.

მეორე, რა უნდა გაკეთდეს იმისთვის, რომ ასეთი რამ არ ხდებოდეს ჩვენს საზოგადოებაში და დაცული იყოს ჩვენი საზოგადოება, მათ შორის, არასრულწლოვანების მხრიდან ჩადენილი დანაშაულით. აქ, ჩვენ, წავედით იმ გზაზე, რომ ავირჩიეთ ყველაზე გამოცდილი ვერსია, გერმანული ვერსია მიდგომისა, რომელიც გულისხმობს, რომ 14 წლის ასაკამდე მოზარდებს, მათი არა დასჯა, არა სისხლისსამართლებრივი დევნა, არამედ უნდა მოხდეს მათი ქცევის გამოსწორება და მზრუნველობის პროგრამების მეშვეობით მათი დაბრუნება სოციალურად გამართულ ქმედებაში და კალაპოტში, სწორედ ამას ისახავს მიზნად რეფორმა, რომ უპირველეს ყოვლისა, ვიზრუნოთ არასრულწლოვანებზე.

გამომდინარე იქიდან, რომ რადგან 14 წლამდე ასაკის კონკრეტული მოზარდები ჩადიან ამგვარ ქმედებებს დანაშაულებს, სახეზე არის რომ, სავარაუდოდ, ოჯახური გარემო, სოციალური გარემო, რომელშიც ისინი იმყოფებიან ვერ უზრუნველყოფს მათი მხრიდან დანაშაულის ჩადენის პრევენციას, სახელმწიფო მათ, რა თქმა უნდა, არ უყურებს და არ შეხედავს, როგორც სისხლის სამართლის დამნაშავეს და ეს დასჯაზე კიდევ ერთხელ, არავითარ შემთხვევაში დასჯაზე არ უნდა ვიფიქროთ, მაგრამ უნდა ვიფიქროთ, რომ სახელმწიფომ აიღოს თავის თავზე მზრუნველობა, რადგან მათი სოციალური გარემო ამ მზრუნველობას ვერ იჩენს და ვერ აკორექტირებს მათ ქცევას, სახელმწიფომ მულტიფუნქციური მიდგომით, სადაც ჩართული არიან, როგორც სოციალური მუშაკები, ისე ფსიქოლოგები და სხვა შესაბამისი პროფილის წარმომადგენლები იზრუნებენ იმაზე, რომ მოხდეს მათი ქცევის გამოსწორება, ერთი მხრივ, და მეორე მხრივ, საზოგადოების უსაფრთხოების უზრუნველყოფა", — განაცხადა პაპუაშვილმა.