საქართველოს მე-5 პრეზიდენტი სალომე ზურაბიშვილი საპატრიარქოს საეპარქიო კომისიის გადაწყვეტილებას ეხმაურება და მხარდაჭერას უცხადებს არქიმანდრიტ დოროთე ყურაშვილს.

"პასუხისმგებლობას ვერ გაექცევით, თქვენ, ვინც პატრიარქის სახელის უკან იმალებით და გსურთ თქვენი გადაწყვეტილების სიმძიმე მას დააკისროთ. თუმცა მართალი სიტყვისა და თავისუფლების ჩახშობა არ გამოგივათ. საქართველოს ეკლესიამ ასეთს და მეტსაც გაუძლო და კიდევ გაუძლებს!

ჩემი პატივისცემა და სოლიდარობა მამა დოროთე ყურაშვილს!", — წერს სალომე ზურაბიშვილ.

29 ოქტომბერს, საპატრიარქოს ეპარქიულმა კომისიამ ილია II-ს მიმართა, რომ არქიმანდრიტი დოროთე ყურაშვილი "გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში." კომისიამ ამ გადაწყვეტილების მიღების მიზეზად კომისიის უგულებელყოფა, შეურაცხყოფა და კვლავ არასაპატიო მიზეზით გამოუცხადებლობა დაასახელა.