"საქართველოს ე.წ. შინაგან საქმეთა მინისტრის პირველი ვიზიტი ჩინეთში მიმდინარეობს, სადაც ის ბელარუსელ კოლეგას ხვდება, რომელიც სანქცირებულია. ამაზე უკეთესი დემონსტრირება რა არის!" — დაწერა საქართველოს მეხუთე პრეზიდენტმა სალომე ზურაბიშვილმა სოციალურ ქსელ X-ზე.

ქვეყნის მეხუთე პრეზიდენტმა X-ზე გააზიარა ამერიკელი კონგრესმენის, ჯო უილსონის პოსტი, რომელშიც ის წერს, რომ კომუნისტური ჩინეთის, ირანისა და რუსეთის მიმღებლობის პარალელურად ამერიკის შეურაცხყოფა იზოლაციისკენ მიმავალი ცალმხრივი ბილეთია.

შეგახსენებთ, ოცნების ხელისუფლების შინაგან საქმეთა მინისტრი გელა გელაძე ჩინეთში ბელარუსის საგამოძიებო კომიტეტის თავმჯდომარეს, დიმიტრი გორას შეხვდა, რომელიც ევროკავშირის ქვეყნების მიერ სანქცირებულია კრიტიკულად განწყობილი მოქალაქეების, ოპოზიციისა და არასამთავრობო სექტორის დევნისთვის.