პირველი ოქტომბრიდან ავსტრიაში, საზოგადოებრივ ადგილებში ნიქაბისა და ბურქის ტარება ოფიციალურად აიკრძალა, წერს BBC. ახალი კანონის მიხედით, თავსაბურავმა შუბლის ხაზიდან ნიკაპაბმდე სახე ღია უნდა დატოვოს. ამიტომაც, ჰიჯაბზე აკრძალვა არ ვრცედლდება.

ტრადიციული მუსლიმური სამოსის გარდა, ასევე, აიკრძალა, სამედიცინო და ჯამბაზის ნიღბები, ასევე, რესპირატორები. თუმცა მათი გამოყენება სამედიცინო დანიშნულებით, სამუშაოს დროსა და კარნავალზე დასაშვებია.

ავსტრიის ხელისუფლების თქმით, ახალი კანონი ქვეყნის ტრადიციული ღირებულებების დაცვისკენაა მიმართული. მუსლიმურმა თემმა კანონი გააკრიტიკა და განაცხადა, რომ ავსტრიელი მუსულმანი ქალების უმნიშვნელო ნაწილი, დაახლოებით, 150 ქალი, ატარებს ბურქასა და ნიქაბს.

საფრანგეთსა და ბელგიაში ბურქისა და ნიქაბის ტარება 2011 წელს აიკრძალა. ანალოგიური კანონი განიხილება ნიდერლანდებში. ბურქის ტარების აკრძალვით გამოვიდა ავტრალიის ერთ-ერთი სენატორი, რომელიც პარლამენტში ბურქით მივიდა.

ქალის მუსლიმური სამოსი:

  • ჰიჯაბი - სამოსი, რომელიც ქალის სხეულს თავიდან ფეხებამდე ფარავს, მაგრამ სახე ღია რჩება;
  • პარანჯა - ზედატანის სამოსი გრძელი მკლავებით, რომელიც სახეს ბადით ფარავს;
  • ჩადრი - თხელი შავი ან თეთრი ნაჭერი, რომელიც მთელ სხეულს ფარავს;
  • ნიქაბი - თავსაბურავი, რომელიც თვალის გარშემო ადგილს ტოვებს ღიად;
  • ბურქა - პარანჯას ნაირსახეობა, რომელიც პაკისტანსა და ავღანეთშია გავრცელებული. ფარავს მთელ სხეულს, მათ შორის, სახესაც. თვალებისთვის დატოვებულია პატარა ღია ადგილი ან ბადე.