რუსეთის პრემიერმინისტრმა, მიხეილ მიშუსტინმა 25 აგვისტოს ხელი მოაწერა რეზოლუციას, რომელიც წამების პრევენციის შესახებ ევროპის კონვენციიდან მოსკოვის გამოსვლას ითვალისწინებს. ამის შესახებ ინფორმაციას უკრაინული მედია ავრცელებს.

მიუხედავად იმისა, რომ რუსეთი ჯერ კიდევ რჩება კონვენციის ხელმომწერ მხარედ, უკრაინელი მშვიდობიანი მოსახლეობისა და სამხედროების წამების და ომის დანაშაულების ფაქტები მრავალჯერ არის დოკუმენტირებული.

რეზოლუცია ითხოვს, რომ რუსეთის პრეზიდენტმა ვლადიმერ პუტინმა ოფიციალურად გამოიყვანოს ქვეყანა ათწლეულების წინ ხელმოწერილი შეთანხმებიდან.