ამერიკის შეერთებული შტატების სახელმწიფო მდივანი მარკო რუბიო უკრაინის ხალხს დამოუკიდებლობის დღეს ულოცავს. მისალოც ტექსტს აშშ-ის სახელმწიფო დეპარტამენტი ავრცელებს:

"ამერიკის შეერთებული შტატების სახელით, ვულოცავ უკრაინის ხალხს 34-ე დამოუკიდებლობის დღეს.

ამერიკის შეერთებული შტატები ერთგულია უკრაინის მომავლის, როგორც დამოუკიდებელი ერის. ჩვენ გვჯერა მოლაპარაკებების გზით მიღწეული შეთანხმების, რომელიც დაიცავს უკრაინის სუვერენიტეტს და უზრუნველყოფს მის გრძელვადიან უსაფრთხოებას, რაც ხანგრძლივ მშვიდობას გამოიწვევს. დამოუკიდებლობის დღეს, როდესაც თქვენ პატივს მიაგებთ თქვენი ერის ისტორიას, შეერთებული შტატები მოუთმენლად ელის ჩვენი ეკონომიკური და უსაფრთხოების პარტნიორობის გაგრძელებას ჩვენი ორივე ერის მშვიდობიანი და აყვავებული მომავლისთვის", — ნათქვამია აშშ-ის სახელმწიფო დეპარტამენტის ვებგვერდზე გამოქვეყნებულ განცხადებაში.