კრემლის ინფორმაციით, 19 ქვეყნის პრეზიდენტებმა დაადასტურეს 9 მაისს, გამარჯვების 80 წლის იუბილეზე, მოსკოვში ჩასვლა, ამას გარდა, 2 ქვეყნის — ინდოეთისა და მონღოლეთის ლიდერებთან გაგზავნილია მოწვევა, მაგრამ ჯერ მათგან პასუხი არ მიუღიათ.

რუსული მედია წერს, რომ 9 მაისს კრემლში ჩასვლას გეგმავს ოკუპირებული აფხაზეთის ე.წ. პრეზიდენტი — ბადრა გუნბა.

კრემლის სტუმრების სიაში არიან: აზერბაიჯანის პრეზიდენტი ილჰამ ალიევი, სომხეთის პრეზიდენტი ნიკოლ ფაშინიანი, ჩინეთის პრეზიდენტი სი ძინ ფინი, ბელორუსის ლიდერი ალექსანდრ ლუკაშენკო, სლოვაკეთის პრეზიდენტი რობერტ ფიცო, სერბეთის პრეზიდენტი ალექსანდრ ვუჩიჩი, პალესტინის პრეზიდენტი მაჰმუდ აბასი.

ამას გარდა, გამარჯვების 80 წლის იუბილეზე ჩავლენ:

ყაზახეთის პრეზიდენტი ყასიმ-ჟომართ თოყაევი

ყირგიზეთის პრეზიდენტი სადირ ჟაპაროვი

უზბეკეთის პრეზიდენტი შავკათ მირზიიოევი,

თურქმენეთის პრეზიდენტი სერდარ ბერდიმუჰამედოვი;

ტაჯიკეთის პრეზიდენტი ემომალი რახმონი;

სერბეთის რესპუბლიკის პრეზიდენტი მილორად დოდიკი;

ბრაზილიის პრეზიდენტი ლუის ინასიუ ლულა და სილვა;

ბურკინა ფასოს პრეზიდენტი იბრაჰიმ ტრაორე;

ვენესუელის პრეზიდენტი ნიკოლას მადურო

ვიეტნამის ლიდერი ტო ლამი;

კუბისა პრეზიდენტი მიგელ დიას-კანელი;

კრემლის ცნობით, გაეროს გენერალური მდივანი ანტონიო გუტერეში გამარჯვების 80 წლის იუბილეს არ დაესწრება.

მსოფლიოს ლიდერები, რომლებიც 9 მაისის აღლუმს დაესწრებიან.

მსოფლიოს ლიდერები, რომლებიც 9 მაისის აღლუმს დაესწრებიან.

აღლუმის ყოველწლიურად ჩატარების პრაქტიკა 1995 წელს სსრკ-ს დაშლის შემდეგ დამკვიდრდა.

ქართული ოცნების ხელისუფლების წარმომადგენლებმა 9 მაისის აღლუმს არ დაესწრებიან.

25 აპრილს, ოცნების პარლამენტის თავმჯდომარემ, შალვა პაპუაშვილმა განაცხადა რომ "9 მაისს რუსეთში წასვლაზე კითხვა არის სისულელე და არასერიოზული", რადგან ქვეყნის ტერიტორიები ოკუპირებულია.