"ოცნების" ხელისუფლების გადაწყვეტილებით უკრაინის მოქალაქეებს საქართველოში უვიზოდ ყოფნა სამი წლის ნაცვლად მხოლოდ ერთი წლით შეეძლებათ. გადაწყვეტილებას "ქართული ოცნების" პრემიერმინისტრი ირაკლი კობახიძე აწერს ხელს.

"უკრაინის იმ მოქალაქეებს, რომლებიც 2025 წლის 24 თებერვლამდე შემოვიდნენ და იმყოფებოდნენ საქართველოში, ყოფნის უფლება გაუგრძელდეთ 2026 წლის 24 თებერვლამდე“ — ვკითხულობთ განკარგულებაში.

რუსეთის მიერ უკრაინის ტერიტორიაზე ომის დაწყების დროს უკრაინელებს საქართველოში უვიზოდ ყოფნა ერთი წლის ვადით შეეძლოთ. ომის დაწყებიდან ერთი წლისთავზე, 2023 წლის 24 თებერვალს მთავრობამ მათ ქვეყანაში ყოფნის ვადა ორ წლამდე გაუხანგრძლივა, 2024 წლის 23 აპრილიდან კი ეს ვადა სამ წლამდე გაიზარდა.