გაეროს უშიშროების საბჭოს წევრებმა 24 თებერვალს უკრაინასთან დაკავშირებით აშშ-ს მიერ შემუშავებული რეზოლუციის პროექტი მიიღო, რომელიც მწუხარებას გამოხატავს "რუსეთის ფედერაციასა და უკრაინას შორის კონფლიქტის დროს ტრაგიკული მსხვერპლის გამო", კონფლიქტის დაუყოვნებლივ შეწყვეტის მოწოდებით გამოდის და კონფლიქტისადმი ნეიტრალური პოზიცია აქვს.

უშიშროების საბჭომ აშშ-ის რეზოლუცია 10 ხმით მიიღო, 5-მა ქვეყანამ — საფრანგეთმა, ბრიტანეთმა, დანიამ, საბერძნეთმა და სლოვენიამ თავი შეიკავეს. რუსეთმა მხარი დაუჭირა რეზოლუციას მას შემდეგ, რაც მან ვერ შეიტანა ცვლილებები და ვეტო დაადო ევროპულ წინადადებებს უკრაინის მხარდამჭერი ენის დასამატებლად. ეს გახდა უშიშროების საბჭოს მიერ მიღებული პირველი რეზოლუცია უკრაინის შესახებ რუსეთის სრულმასშტაბიანი შემოჭრის დაწყების შემდეგ.

შეერთებული შტატების შესწორებულმა რეზოლუციამ 24 თებერვალს გაერო-ს გენერალურ ასამბლეაში 93 ხმა მიიღო, 73-მა — თავი შეიკავა, 8 კი წინააღმდეგი წავიდა. ასამბლეამ კიდევ ერთი უკრაინისა და ევროკავშირის მიერ ინიცირებულ რეზოლუცია მიიღო.

რეზოლუციას მხარი დაუჭირა 93-მა ქვეყანამ, 18 წინააღმდეგ წავიდა, 65-მა კი თავი შეიკავა. უკრაინული რეზოლუციის წინააღმდეგ ხმა მისცეს: აშშ-მ, რუსეთმა, ჩრდ. კორეამ, ბელარუსმა, ბურკინა ფასომ, ბურუნდიმ, ცენტრალური აფრიკის რესპუბლიკამ, ეკვატორულმა გვინეამ, ერიტრეამ, ჰაიტიმ, უნგრეთმა, ისრაელმა, მალიმ, მარშალის კუნძულებმა, ნიკარაგუამ, ნიგერმა, პალაუმ და სუდანმა.

უკრაინულ-ევროპული რეზოლუცია, რომელიც რუსეთის ფედერაციისგან მოითხოვს, დაუყოვნებლივ გაიყვანოს ჯარები უკრაინის ტერიტორიიდან. საქართველო კენჭისყრაში არ მონაწილეობდა.

საქართველომ ამერიკულ რეზოლუციას მხარი დაუჭირა, ხოლო ევროპულ-უკრაინული რეზოლუციაზე კენჭისყრისას თავი შეიკავა.

Reuters წერს, რომ უშიშროების საბჭოს რეზოლუციები სავალდებულოდ ითვლება, ხოლო გენერალური ასამბლეის რეზოლუციები არა. თუმცა, გენერალური ასამბლეის რეზოლუციებს აქვს პოლიტიკური წონა, რაც ასახავს ომის შესახებ გლობალურ შეხედულებას.

https://go.on.ge/3sxa