"ჩვენ გავაგრძელებთ მკურნალობის პროცესს კლინიკის პირობებში, რაც უკავშირდება თუნდაც პრევენციას ე.წ "ხელახალი კვების სინდრომსს" იმიტომ, რომ ეს არის ძალიან სერიოზული სინდრომი, რაც ვითარდება ხანგრძლივი შიმშილობის შეწყვეტის შემდეგ განახლებულ კვებასა და სხვადასხვა მეტაბოლურ დარღვევებს", — განაცხადა კლინიკა "ვივამედის" დირექტორმა, ზურაბ ჩხაიძემ მზია ამაღლობელის შიმშილობის შეწყვეტის ფაქტზე ჟურნალისტებთან.

18 თებერვალს, კლინიკა "ვივამედთან" გამართულ ბრიფინგზე, ნეტგაზეთის რედაქტორმა, ნესტან ცეცხლაძემ მზია ამაღლობელის წერილი წაიკითხა, სადაც ჟურნალისტი წერს, რომ ის შიმშილობას წყვეტს. მოგვიანებით, "ვივამედის" დირექტორმა ჟურნალისტებთან ამაღლობელის ჯანმრთელობის მდგომარეობაზე ისაუბრა.

ჩხაიძეს თქმით, ის მოხარულია, რომ ჟურნალისტმა გაითვალისწინა კლინიკის რჩევები შიმშილობის შეწყვეტის თაობაზე. მისი თქმით, განსაკუთრებით საყურადღებო და მნიშვნელოვანია პირველი ორი დღე, რათა ე.წ "ხელახალი კვების სინდრომის" პრევენცია მოხდეს.

"ამ ხანგრძლივობის შიმშილობა არის დაკავშირებული ძალიან დიდ რისკებთან. 30 დღის შემდეგ ყოველი დღე მოსალოდნელი არის სხვადასხვა ორგანოების ფუნქციური მოშლილობები, რაც შეიძლება დაკავშირებული ყოფილიყო ძალიან ცუდ გამოსავალთან. დღეს რა მოცემულობაც გვაქვს ძალიან მისაღები და სასიხარულოა ჩვენთვის.

ჩვენ გავაგრძელებთ მკურნალობის პროცესს კლინიკის პირობებში, რაც უკავშირდება თუნდაც პრევენციას ე.წ "ხელახალი კვების სინდრომის", იმიტომ რომ ეს არის ძალიან სერიოზული სინდრომი, რაც ვითარდება ხანგრძლივი შიმშილობის შეწყვეტის შემდეგ განახლებულ კვებასა და სხვადასხვა მეტაბოლურ დარღვევებს, ეს შეიძლება იყოს სითხის ცვლილებები ნახშირწყლოვანი დარღვევები, ინსულინის ცვლილებები რაც გამოიწვევს სხვადასხვა ორგანოების უკმარისობებს. ამიტომ რა თქმა უნდა ძალიან დიდი სიფრთხილით ჩვენ ამას დავიწყებთ, კლინიკა და ექიმების გუნდი მზად არის "რეფიდინგის" პროცესი დავიწყოთ პროტოკოლის შესაბამისად.

განსაკუთრებით საყურადღებო და მნიშვნელოვანია პირველი ორი დღე, არის სპეციალური მენიუ შემუშავებული, დამტკიცებული პროტოკოლით და შესაბამის მკურნალობასთან ერთად განვითარდება ეს პროცესები. ყოველდღიურად მოხდება მდგომარეობის გადამოწმება, ლაბორატორიული კვლევების ჩატარება ამ კვლევების საფუძველზე გვექნება სრული ინფორმაცია. საფრთხე ყოველთვის ემუქრება," — განაცხადა ზურაბ ჩხაიძემ.

ასევე იხილეთ: