ამერიკაში მცხოვრებმა ქართველმა ჟურნალისტებმა და მოქალაქეებმა 3 თებერვალს ნიუ იორკში, The New York Times-ის ოფისთან მზია ამაღლობელის მხარდამჭერი აქცია გამართეს.

მედიაომბუდსმენი ნათია კაპანაძის თქმით, უკვე 23 დღეა მსოფლიომ გაიცნო მზია ამაღლობელ, როგორც დამოუკიდებელი და მიუკერძოებელი ორი მედიაორგანიზაციის ხელმძღვანელი, ადამიანი რომელიც იბრძვის სიტყვის თავისუფლებისთვის, ის წინააღმდეგობას ციხეში განაგრძობს და ამ ბრძოლაში ყველა უნდა ჩავებათ

"საზოგადოებას ვუყვებით იმას, რაც საქართველოში ხდება. უკვე 23 დღეა მსოფლიომ გაიცნო მზია ამაღლობელ, როგორც დამოუკიდებელი და მიუკერძოებელი ორი მედიაორგანიზაციის ხელმძღვანელი, ადამიანი რომელიც იბრძვის სიტყვის თავისუფლებისთვის, მე 15 წელია ვუყურებ მის თავგანწირვას და ეს წინააღმდეგობა უსამართლობასთან, რომელიც ციხეში გრძელდება არის იმ ბრძოლის ნაწილი, რომელიც ჩვენ ყველა აქტიურად უნდა ჩავებათ, რადგან რაღაც მომენტში ეს შეიძლება იყოს ძალიან გვიან. თავისუფლება მზიას, თავისუფლება სინდისის პატიმრებს", — აცხადებს მედიაომბუდსმენი ნათია კაპანაძე.

აქცია ნიუ იორკში

აქცია ნიუ იორკში

საზოგადოებრივი მაუწყებლის ყოფილი ჟურნალისტის, მარიამ ცარელაშვილის თქმით, ემიგრანტებმა თავიანთი ძალა არჩევნებზე აჩვენეს, ქართული ოცნების რეჟიმს უარი უთხრეს და მას შემდეგ ეს ძალა არსად წასულა, ისევ აქ დგანან და იბრძოლებენ მზიას, ანდრო ჭიჭინაძის, ოკმელას, ყველა პოლიტპატიმრის გასათავისუფლებლად“.

"მზია ამაღლობელმა საკუთარი გადაწყვეტილებით, საკუთარი საქმით დაადასტურა ის სიტყვები, რაც მან თავად წარმოთქვა, რომ სიცოცხლეზე ღირებული არის თავისუფლება. არ ვიცი, რომ ადამიანი თავის სიცოცხლეს აყენებს საფრთხის ქვეშ, ამან როგორ არ უნდა გამოაფხიზლოს ხალხი, სადაც არ უნდა ვიყოთ, რომელ ქვეყანაშიც არ უნდა ვცხოვრობდეთ. ივანიშვილის რეჟიმმა ქართველი ემიგრანტები სრული უგულებელყოფა მოახდინა, განსაკუთრებით მაშინ, როცა ჩვენ ვაჩვენეთ ჩვენი ძალა არჩევნებზე და ვუთხარით უარი ქართული ოცნების რეჟიმს. მას შემდეგ ეს ძალა არ სად წასულა, ჩვენ ისევ აქ ვდგავართ და ვიბრძოლებთ მზიას, ანდრო ჭიჭინაძის, ოკმელას, ყველა პოლიტპატიმრის გასათავისუფლებლად და, რაც მთავარია, ჩვენი ქვეყნის დასახსნელად", — აცხადებს მარიამ ცარელაშვილი.

აქცია ნიუ იორკში

აქცია ნიუ იორკში

ბათუმელებისა და ნეტგაზეთის დამფუძნებელსა და დირექტორს, მზია ამაღლობელს წინასწარი

პატიმრობა აქვს შეფარდებული. მას 4-დან 7 წლამდე პატიმრობა ემუქრება. დღეს მზია ამაღლობელის შიმშილობის 24-ე დღეა.