საპარლამენტო უმრავლესობა ვენეციის კომისიასთან შესახვედრა აღარ გაემგზავრება. უმრავლესობის მიერ გავრცელებულ განცხადებაში ნათქვამია, რომ ოპიზიციამ დიალოგი "ჩიხში" შეიყვანა, რის გამოც ქვეყნის გარეთ კონსულტაციებმა აზრი დაკარგა.

ქართული ოცნების თქმით, მათ ოპოზიციურ პარტიებს იმ საკითხების ჩამონათვალის მიწოდება სთხოვეს, რის შემთხვევაშიც ისინი საკონსტიტუციო ცვლილებებს მხარს დაუჭერდნენ:

"ოპოზიციურმა პარტიებმა საპარლამენტო უმრავლესობას არ გასცეს პასუხი კითხვას, რა შემთხვევაში დაუჭერდნენ მხარს საკონსტიტუციო ცვლილებებს. ამის ნაცვლად, პასუხად, ოპოზიციამ წარმოადგინა რამდენიმე ულტიმატუმი, და ისიც საპარლამენტო უმრავლესობასთან დიალოგის განახლების წინაპირობად".

უმრავლესობის თქმით, ამგავრმა ქმედებადმ ოპოზიციურ პარტიებთან დიალოგის გამართვა "შეუძლებელი გახადა":

"ოპოზიციის მოქმედებამ საბოლოოდ დაადასტურა, რომ კონსენსუსის არარსებობა ოპოზიციის თვითმიზანი იყო."

განცხადებაში აღნიშნულია, საშემოდგომო სესიაზე საპარლამენტო უმრავლესობა დაამტკიცებს საკონსტიტუციო ცვლილებების და ის სრულად ამოქმედდება 2020 წლის ნოემბერში. მათი თქმით, ახალი კონსიტუტია ავტოკრატიის ჩამოყალიბებას გამორიცხავს:

"კონსტიტუციური კანონი არ შეიცავს არცერთ (!) ნორმას, რომელიც აუმჯობესებს მმართველი პარტიის სუბიექტურ პოლიტიკურ პოზიციებს. ამასთან, საკონსტიტუციო ცვლილებები გამორიცხავს საქართველოში ყოველგვარი ავტოკრატიის ჩამოყალიბებას გრძელვადიან პერსპექტივაში".

16 აგვისტოს საქართველოს ოპოზიციურმა პოლიტიკურმა პარტიებმა საკონსტიტუციო რეფორმის პროცესში კონსენსუსის მიღწევასთან დაკავშირებით ერთობლივი განცხადება გაავრცელეს. განცხადებაში ნათქვამია, რომ ისინი პროპორციული საარჩევნო სისტემის სხვადასხვა კომპონენტებთან დაკავშირებით კონსესუსის მისაღწევად ქართულ ოცნებასთან დიალოგისთვის მზად არიან.

დიალოგის დაწყებამდე ისინი მოითხოვდნენ, რომ ხელუსფლებას აღედგინა კონსტიტუციური რეფორმა, რომლის მიხედვითაც 2020 წლის საპარლამენტო არჩევნები ქვეყანაში სრულად პროპორციული საარჩევნო სისტემითჩატარდებოდა.