100-კილომეტრიანი მარში დმანისიდან 29 მარტს დაიძრა და მისი მონაწილეები 31 მარტს, 20:00 საათზე პარლამენტთან დაგეგმილ აქციას შემოუერთდებიან.

საპროტესტო მსვლელობამ უკვე გაიარეს დმანისი, ბოლნისი და მარნეული. გეგმის მიხედვით 17:00 საათზე ისინი რუსთავში იქნებიან, სადაც შემოუერთდებიან მოქალაქეები გარდაბნიდან და ზემო ფონიჭალიდან და 19:00 საათზე "ქართული ოცნების" ახალ ოფისთან მივლენ. იქიდან კი რუსთაველის გამზირისკენ დაიძვრებიან.

"დავბანაკდით სოფელ კოდაში.

გადალახულია — 73 კმ.

დარჩა — 29 კმ.

დილით თეთრიწყარო-წალკა შემოგვიერთდება და დავიძვრებით თბილისისკენ.

17:00 საათზე რუსთავს და გარდაბანს შევხვდებით ზემო ფონიჭალაში და სხვებს, ვისაც ჩვენს მარშთან ერთად გინდათ პარლამენტთან მიხვიდეთ, შეგხვდებით 19:00-ზე ორთაჭალაში, "ქართული ოცნების" ახალ ოფისთან.

ერთად მივიდეთ რუსთაველზე დამოუკიდებლობის დასაცავად. ერთობით გავიმარჯვებთ", — წერენ მარშის მონაწილეები სოციალურ ქსელში.

100-კილომეტრიანი მარში ბოლნისიდან

100-კილომეტრიანი მარში ბოლნისიდან

ფოტო: შეხვედრის ადგილი

"100 კილომეტრს ფეხით გავივლით და 31 მარტს რუსთაველზე შემოვალთ დამოუკიდებლობის დასაცავად!

მტკიცე და ამაყი ნაბიჯებით ვივლით ეს სამი დღე ჩვენი ქვეყნის დამოუკიდებლობისთვის!
კიდევ ერთხელ ვაჩვენებთ ჩვენს ძალას ამ არაძალადობრივი გზით.

ვაჩვენებთ, რომ არ გავჩერდებით, ვაჩვენებთ, რომ არ დავღლილვართ, რომ უწყვეტი პროტესტის 122-ე დღესაც შეგვიძლია 100 კილომეტრი ფეხით გავიაროთ თავისუფლებისთვის, დამოუკიდებლობისთვის, სამართლიანობისთვის!

100 კილომეტრის მანძილზე გავივლით 4 ქალაქს, 20-მდე სოფელს და ყველა სახლთან, ყველა ჭიშკართან შევძახებთ — საქართველო ადექი, აჯანყდი უსამართლობის წინააღმდეგ!

შემოუერთდი ჩვენს მარშს ბოლნისო, მარნეულო, თეთრიწყაროვ, წალკავ, გარდაბანო, რუსთავო! კიდევ ერთხელ ვაჩვენოთ ჩვენი ერთობის ძალა!

ერთად მოვითხოვოთ სინდისის პატიმრების გათავისუფლება! ახალი, სამართლიანი არჩევნები! ახალი, ჰუმანური და დემოკრატიული სახელმწიფო!", — წერენ მსვლელობის ორგანიზატორები სოციალურ ქსელში.