საპროტესტო განწყობას სკოლების ნაწილიც უერთდება. საკლასო ოთახებიდან პროცესი ჯერ სკოლის ეზოებში, შემდეგ კი ქუჩაში ინაცვლებს. მოსწავლეები და მასწავლებლები საერთო სახალხო პროტესტს უერთდებიან,

გაფიცულია თბილისის 1-ლი ექსპერიმენტული, 117-ე 21-ე 22-ე, 52-ე, 102-ე, 161-ე,175-ე საჯარო სკოლები.

"161-ე სკოლის სახელით გავიფიცეთ, რადგან ჩვენ გვინდა ევროპულ საქართველოში ცხოვრება, ვერ შევეგუებით იმ მდგომარეობას, რაც ახლა საქართველოში არის, სოლიდარობას ვუცხადებთ და ვუერთდებით მათ, ვინც დგას აქციებზე, რომ ჩვენი სამშობლო დავიცვათ", — ამბობს 161-ე სკოლის მოსწავლე.

თბილისის 174-ე საჯარო სკოლის მოსწავლეები ფაქტის დასადასტურებლად სოციალურ ქსელში ფოტოს ავრცელებენ წარწერით: "174-ე საჯარო სკოლა გაიფიცა, შემოგვიერთდით!". ამავე სკოლის თვითმმართველობამ განცხადება გაავრცელა, სადაც აღნიშნავენ, რომ მათი მოთხოვნაა საქართველო ევროპულ კურსს დაუბრუნდეს.

"ჩვენი მოთხოვნაა საქართველო დაუბრუნდეს, ევროპულ კურსს! ჩვენი მოთხოვნაა ეროვნულ საგამოცდო პროგრამაში დაბრუნდეს ანტი-რუსული ნაწარმოებები და წლები. ჩვენი მოთხოვნაა შეწყდეს მშვიდობიან აქტივისტებზე უმოწყალო ძალადობა. ჩვენი მოთხოვნაა გათავისუფლდნენ უსამართლოდ დაპატიმრებული მოქალაქეები! სიკეთე ყოველთვის გაიმარჯვებს რუსეთზე, ეს გვინახავს წარსულში და ვნახავთ ახლაც!
რა თქმა უნდა, მოსწავლეებს, რომლებსაც სურთ სასწავლო პროცესზე დასწრება, არ შეექმნებათ პრობლემა, ჩვენ არანაირ პროპაგანდას არ ვეწევით! ხოლო ვისაც სურს გაპროტესტება იმ უმსგავსობის, რაც დღეს ჩვენს სამშობლოში ხდება, ყველას შეუძლია შემოგვიერთდეს“, — აღნიშნულია 174-ე საჯარო სკოლის თვითმმართველობის განცხადებაში.

მოსწავლეების ნაწილი აცხადებს, რომ უნდა გამოცხადდეს საყოველთაო დაუმორჩილებლობა და მაღალი კლასის მოსწავლეებს, რომლებსაც მალე ხმის მიცემის უფლებაც ექნებათ მასობრივად უნდა გამოვიდნენ საკუთარი ქვეყნის დასაცავად.

პროტექსტის ნიშნად იმართება ზუგდიდის, ქუთაისის, ბათუმის, ფოთის საჯარო სკოლების ნაწილში.

ფოთში, მე-5 საჯარო სკოლის მაღალი კლასის მოსწავლეები გაიფიცნენ. ისინი პროტესტის ნიშნად საგაკვეთილო პროცესს არ დაესწრებიან. გაფიცულები მერიის ადმინისტრაციულ შენობასთან ტრანსფარანტებით „არა რუსეთს“, „ევროპული განათლება რუსული ჩრდილის გარეშე“ მივიდნენ და აღმაშენებლის ქუჩა გადაკეტეს.

როგორც აქციის მონაწილეები აცხადებენ, მათ მხოლოდ ევროპული მომავალი უნდათ და გმობენ ყოველგვარ ძალადობას. გაფიცულმა მოსწავლეებმა საქართველოს ჰიმნი შეასრულეს.
გაფიცული სკოლების რიცხი ყოველდღიურად იზრდება

თუ ფლობთ ინფორმაციას სასწავლო პროცესის შეფერხების თაობაზე, გთხოვთ, დარეკოთ სამინისტროს ცხელ ხაზზე 0322200220