15–21 დეკემბრის პერიოდში პოლონეთიდან 180 უცხოელი გააძევეს, მათ შორის ქართველები — ამის შესახებ ინფორმაციას პოლონეთის სასაზღვრო დაცვა ავრცელებს.

უწყების ინფორმაციით, საზღვარი ნებაყოფლობით დატოვა საქართველოს 19-მა, ბელარუსის 27-მა და მოლდოვის 21-მა მოქალაქემ.

განცხადებაში ასევე ვკითხულობთ, რომ პოლონეთიდან საქართველოს 16, უკრაინის 24 და 5 კოლუმბიის მოქალაქის იძულებითი დეპორტაცია მოხდა.

"მათ შორის იყვნენ უცხოელები, რომლებიც ნასამართლევი იყვნენ — მათ შორის, ქურდობისთვის, ნარკოტიკული ან ფსიქოტროპული ნივთიერებების ფლობისთვის, ცემისა და ძალადობისთვის, რაც სხეულის მძიმე დაზიანებას იწვევდა, მართვის მოწმობის გარეშე ავტომობილის მართვისთვის' ასევე პირები, რომლებიც სხვებს პოლონეთის საზღვრის უკანონოდ გადაკვეთაში ეხმარებოდნენ," — ვკითხულობთ განცხადებაში.