ხელისუფლება როდესაც საუბრობს კორუფციის წინააღმდეგ ბრძოლაზე ამას გულისხმობს კიდეც, — ამის შესახებ ბრიფინგზე ოცნების ხელისუფლების პარლამენტის თავმჯდომარემ, შალვა პაპუაშვილმა სუს-ის ყოფილი უფროსის, გრიგოლ ლილუაშვილის დაკავებაზე საუბრისას თქვა, მისივე თქმით, გენერალურმა პროკურორმა ერთ საინტერესო დეტალზე ისაუბრა — "იკვეთება სქემები, რომლითაც კორუფციული უკანონო თანხებით ფინანსდებოდა რადიკალური ოპოზიციის პროპაგანდისტული მედია".

"ის, რაზეც დღეს გენერალურმა პროკურორმა ისაუბრა, მათ შორის, ერთ საინტერესო დეტალზეც მიუთითებს და თქვენც უნდა დაფიქრდეთ ამაზე, რომ როგორც ჩანს, იკვეთება სქემები, რომლითაც კორუფციული უკანონო თანხებით ფინანსდებოდა რადიკალური ოპოზიციის პროპაგანდისტული მედია, ასე რომ, მე ამაზე დავფიქრდებოდი თუ რასთან გვქონდა საქმე. ესეც გვაფიქრებინებს ჩვენ, რომ რადიკალური ოპოზიციის პროპაგანდისტული მედია, როგორც ჩანს, დაკავშირებული, ან შეთანხმებული იყო ასეთ დროს, იმისთვის, რომ შესაბამისი მედია გაშუქება ჰქონოდა ან არ ჰქონოდა რაღაც საკითხებს, ესეც საინტერესო დეტალია, იმედია უფრო მეტ დეტალს გავიგებთ ამასთან დაკავშირებით.

…თავად ის ფაქტი რომ პროკურატურა, შინაგან საქმეთა სამინისტრო, უსაფრთხოების სამსახური ავლენს სავარაუდო კორუფციულ შემთხვევებს, აჩვენებს, რომ ხელისუფლება როდესაც საუბრობს კორუფციის წინააღმდეგ ბრძოლაზე ამას გულისხმობს კიდეც და პირიქით, ეს აჩვენებს თავად გუნდის სიძლიერეს და მოწადინებას, რომ რაიმე მანკიერი გამოვლინება გუნდის შიგნით არ იყოს", — განაცხადა ბრიფინგზე ოცნების ხელისუფლების პარლამენტის თავმჯდომარემ შალვა პაპუაშვილმა სუს-ის ყოფილი უფროსის, გრიგოლ ლილუაშვილის დაკავებაზე.