ოკუპირებული სამხრეთ ოსეთის ე.წ. საგარეო საქმეთა მინისტრი ახსარ ჯიოევი იმედოვნებს, რომ უახლოეს მომავალში საქართველო ოკუპირებულ სამხრეთ ოსეთთან და აფხაზეთთან "კონსტრუქციული ურთიერთობებს დაამყარებს". ამის შესახებ რუსული მედია წერს.

მისი თქმით, საქართველომ უნდა გაიგოს, რომ რუსეთის მიერ სამხრეთ ოსეთის დამოუკიდებლობის აღიარება არ შეიცვლება.

"რაც შეეხება თბილისის მოწოდებებს რუსეთის მიმართ, გავიდნენ სამხრეთ ოსეთიდან და გააუქმოს აღიარება, ჩვენ არაერთხელ ვნახეთ, როგორ უსვამს ხაზს რუსეთის ფედერაცია ამ გადაწყვეტილებებს უმაღლეს დონეზე. რუსეთი, როგორც ბირთვული ძალა და მთავარი გლობალური ძალა, არ შეცვლის ამ გადაწყვეტილებებს. ვფიქრობ, საქართველომ უნდა მიიღოს და აღიაროს ეს რეალობები", — აცხადებს რუსულ მედიასთან.

ოკუპირებული სამხრეთ ოსეთის საგარეო საქმეთა მინისტრი მიიჩნევს, რომ საქართველო ჯერ არ არის მზად მიიღოს ეს ახალი რეალობები და დაამყაროს კონსტრუქციული ურთიერთობები სამხრეთ ოსეთთან და აფხაზეთთან.

"საქართველო ჯერ არ არის მზად, მაგრამ იმედი მაქვს, რომ ეს უახლოეს მომავალში მოხდება", — დასძინა მან.