არასრულწლოვანზე ძალადობის ბრალდებით ერთიანი ნაციონალური მოძრაობის წევრი დავით დიღმელაშვილი დააკავეს. ამის შესახებ ინფორმაციას შინაგან საქმეთა სამინისტროში ადასტურებენ.

დაკავებული 2021 წლიდან საგარეჯოს მუნიციპალიტეტის საკრებულოს წევრია. გავრცელებული ინფორმაციით, მას დის შვილზე ფიზიკურ ძალადობას ედავებიან. გამოძიება მას შემდეგ დაიწყო, რაც ერთ-ერთი საჯარო სკოლის სოციალური მუშაკს მოსწავლემ ბიძის მხრიდან ფიზიკური ძალადობის შესახებ მიმართა.

გამოძიება სისხლის სამართლის კოდექსის 126-ე პრიმა მუხლით დაიწყო, რაც რაც ოჯახის წევრი არასრულწლოვანის მიმართ ჩადენილ ძალადობას გულისხმობს.