გრანდ ავენიუზე მხოლოდ არქელებისთვის საახალწლო ქალაქი მოეწყო, რომელმაც ორი დღის განმავლობაში უმასპინძლა სტუმრებს. არქელებს აქ დახვდათ მართლაც დაუვიწყარი სადღესასწაულო გარემო, რომელიც შექმნა მუსიკალურმა და თეატრალურმა ნომრებმა, გორის ბავშვთა გუნდის შთამბეჭდავმა პროგრამამ, ბალერინების საზეიმო პერფორმანსმა და საინტერესო აქტივობებმა მთელი ოჯახისთვის.

ფოტო: არქი

ფოტო: არქი

ღონისძიების ძირითადი სივრცე სოციალური საწარმოების, ქალი ენტერპრენერებისა და მიკრო მეწარმეებს პროდუქციის გამოფენა-გაყიდვას დაეთმო. ინიციატივა არქის სოციალური პასუხისმგებლობისა და ქართველი მეწარმეების მხარდაჭერის პროექტის ფარგლებში განხორციელდა. სტუმრებს შეეძლოთ, ადგილზე გაცნობოდნენ 50 მეწარმის უნიკალურ ნამუშევრებს. კომპანია არქიმ საახალწლო საჩუქრებთან ერთად სტუმრებს ფულადი ღირებულების ვაუჩერები გადასცა, რომელთა გადაცვლაც სასურველ პროდუქციაზე ადგილზევე შესაძლებელი იყო. არქელებიც ამ კეთილი საქმის თანამონაწილეები გახდნენ.

ფოტო: არქი

ფოტო: არქი

ინიციატივამ დადებითი შეფასება დაიმსახურა. მონაწილეებმა აღნიშნეს, რომ არქიმ მათ მისცა საშუალება, საკუთარი პროდუქცია უშუალოდ მომხმარებლისთვის გაეცნოთ და შედეგებითაც საუკეთესო პრეცედენტები შეიქმნა.

ღონისძიების ერთ-ერთი მთავარი სიმბოლური ნაწილი დაეთმო უნიკალურ საახალწლო ნაძვის ხეს, რომელიც გაფორმებული იყო George Coby-ის (გიორგი კობახიძის) საკოლექციო მინის საშობაო სათამაშოებით. ექსპოზიცია წარმოდგენილი იყო ამერიკის კულტურის ცენტრისა და The Financial-ის მიერ, არქისთან და საქართველოს ბანკთან პარტნიორობით. ამერიკაში მოღვაწე ქართველი ემიგრანტი მეწარმის წარმატების ისტორია არის ამბავი, რომელმაც საახალწლო ნაძვის ხე მილიონობით ამერიკული ოჯახისთვის დღესასწაულის სიმბოლოდ აქცია. როგორც არქის დამფუძნებელმა, ილია წულაიამ აღნიშნა, George Coby-ის ისტორია თითოეული მეწარმისთვის შთაგონების მაგალითი უნდა გახდეს.

ფოტო: არქი

“არქელებისთვის გრანდ ავენიუზე გამართული საახალწლო ღონისძიება ახალი ტრადიციის დასაწყისია. ეს ინიციატივა მომავალშიც გაგრძელდება და მომხმარებლებისთვის კიდევ მრავალ პოზიტიურ და სადღესასწაულო გამოცდილებას შექმნის. კომპანია, სოციალური პასუხისმგებლობის ფარგლებში, კვლავ გააგრძელებს ქართველი მეწარმეების მხარდაჭერას“. — აღნიშნა ილია წულაიამ.