სუს-ში აცხადებენ, რომ ცხინვალიდან ცხელი ხაზით დაადასტურეს ოკუპირებულ ტერიტორიაზე მცხოვრები საქართველოს მოქალაქის, თამარ მეარაყიშვილის უკანონოდ დაკავება.

"მიმდინარეობს ინტენსიური კომუნიკაცია აღნიშნულ საკითხთან დაკავშირებით", — აცხადებენ სუს-ში.

ცხინვალში ქართველი სამოქალაქო აქტივისტი თამარ მეარაყიშვილი ჯაშუშობის ბრალდებით გუშინ დააკავეს.

"გამოძიების ვერსიით, საქართველოს მოქალაქე, რომელიც სამხრეთ ოსეთის ტერიტორიაზე იმყოფებოდა, ახორციელებდა ინფორმაციის შეგროვებასა და გადაცემას რესპუბლიკის სტრატეგიულად მნიშვნელოვანი ობიექტების შესახებ, რითაც საფრთხეს უქმნიდა ქვეყნის უსაფრთხოებას", — წერია ცხინვალის პროკურატურის მიერ გავრცელებულ განცხადებაში.