სელფი მობაილი აგრძელებს ქსელის დიდ განახლებასა და განვითარებას. მსოფლიოში წამყვან ტექნოლოგიურ კომპანია — Nokia-სთან წარმატებული მოლაპარაკების შედეგად, ჩვენ ვზრდით ქსელს 400 ახალი საბაზო სადგურით, საქართველოს მასშტაბით.

რას ნიშნავს ეს შენთვის:

  • ინტერნეტის სიჩქარე, რომელიც წელს 25%-ით გაიზარდა, კიდევ უფრო გაიზრდება;
  • მოიმატებს ქსელის გამტარუნარიანობა, რომელიც წელს 32%-ით უკვე მომატებულია;
  • კიდევ უფრო გაიზრდება დაფარვა ქვეყნის მასშტაბით.

ახალი სადგურების დამატება დაწყებულია და ჩვენი მომხმარებელი უკვე გრძნობს ქსელის გაუმჯობესებას. შედეგები კიდევ უფრო შესამჩნევი გახდება მომავალი წლის დასაწყისიდან და ეტაპობრივად ყველა საცხოვრებელ პუნქტს მოიცავს.

რატომ ვახორციელებთ ამ პროექტს:

ჩვენი მიზანია, რომ შენ მუდმივად გქონდეს საიმედო, ხარისხიანი და სწრაფი კავშირი, როცა უკავშირდები საყვარელ ადამიანებს, მუშაობ, სწავლობ თუ ერთობი. როგორც უკვე იცი, ქსელის განახლებაზე ინტენსიურად ვმუშაობთ წლის დასაწყისიდან; ეს კი ამ სამუშაოს გაგრძელება და კიდევ უფრო გაძლიერებაა. ცოტა ხნის წინ, ახალი სიხშირული რესურსიც შევიძინეთ, რომელსაც სწორედ ახალი საბაზო სადგურებით ავითვისებთ და ეს პირდაპირ აისახება ქსელის შესაძლებლობებზე.

აქამდე ჩატარებული სამუშაოების შედეგად, კმაყოფილ მომხმარებელთა რაოდენობა უკვე გაიზარდა 65%-ით, და კიდევ მოიმატებს.

რას ამბობს სელფის CEO, როსტომ ტალახაძე:

"ჩვენს N1 პრიორიტეტად წელს ქსელის განახლება დავისახეთ, რადგან ჩვენთვის უმთავრესია მომხმარებლების კმაყოფილება, ავასრულოთ დაპირება, რომ მათ ექნებათ მაღალი ხარისხის, სწრაფი კავშირი ყველგან და ნებისმიერ დროს. 400 ახალი საბაზო სადგურის დანერგვა არის კიდევ ერთი დიდი ნაბიჯი ამ დაპირების შესრულებისკენ. შედეგები უკვე შესამჩნევია და კიდევ უფრო მკაფიოდ იგრძნობა უახლოეს პერიოდში.“

რატომ Nokia:

Nokia მსოფლიოში ერთ-ერთი ყველაზე სანდო და გამოცდილი სატელეკომუნიკაციო კომპანიაა, რომლის ტექნოლოგიებს ყოველდღიურად იყენებენ წამყვანი მობილური ოპერატორები მთელ მსოფლიოში.

ეს ახალი პროექტი ნიშნავს, რომ ჩვენი ქსელის შენება ეყრდნობა საერთაშორისო გამოცდილებას და უმაღლესი ხარისხის სტანდარტებს, რის გამოც კავშირი კიდევ უფრო საიმედოა.

სელფი გააგრძელებს ქსელის გაძლიერებას იმისთვის, რომ შენ ყოველთვის გქონდეს წვდომა ხარისხიან კავშირზე.