ყოველდღიურად იჭერენ 40-70 ადამიანს. აკავებენ იმათ, ვინც ხელში მოხვდებათ, ვისაც ალყაში აქცევენ. შესაბამისად, დაკავება თვითნებურ ხასიათს ატარებს, — ამის შესახებ საიას თავმჯდომარე, ნონა ქურდოვანიძე წერს. მისი თქმით, იმდენ ადამიანს აკავებენ, რომ ამ რაოდენობით საქმეს ვეღარ უმკლავდება ვეღარც სასამართლო.

"მართალია, მოსამართლეები ნოტარიუსის ფუნქციას ასრულებენ, თუმცა, ამის მენეჯმენტიც დროს მოითხოვს. ამიტომ, 2 დღის წინ დაკავებულების ნაწილი, რომელთაც ამოეწურათ დაკავების 48 საათიანი ვადა, დღეს ისე გამოუშვეს, სასამართლოში აღარ გადაიყვანეს. როგორც ჩანს, მათი სასამართლო პროცესები უახლოეს პერიოდში არ იქნება", — წერს ნონა ქურდოვანიძე.