საქართველოს მე-5 პრეზიდენტი სალომე ზურაბიშვილი ოცნებაში განხორციელებულ საკადრო ცვლილებებს ეხმაურება:

"ანუ პოლიტიკურმა, პარტიულმა ნიშანმა ვერ გაამართლა და "პირველად 30 წლის მანძილზეო” სუს-ის ხელმძღვანელად ვნიშნავთო კარიერ-გამოვლილ ადამიანსო. ინსტიტუტების გაძლიერებაზე საუბრობს კობახიძე?! რეალურად მმართველ გუნდს, რომ გამოელია კადრები, ესეც აღარ და ვეღარ იმალება. თორემ ინსტიტუტები ვინ დაშალა, ვინ წაართვა დამოუკიდებლობა და კარიერიდან წამოსულ პროფესიონალებს თავზე ვინ დაუსვა ახლად გამოჩეკილი "გენერალი" და მისი კლანი?", — აცხადებს ზურაბიშვილი.

შეგახსენებთ, რომ სუს-ის ყოფილი უფროსი, გეკა გელაძე, თანამდებობის დატოვების შემდეგ, შს მინისტრის მოადგილე იქნება. რაც შეეხება სუს-ის უფროსს, ამ პოსტზე პრემიერმა თამაზ ბორაშვილი წარადგინა.