მელიქიშვილის გამზირზე, პოლიციასა და აქციის მონაწილეებს შორის დაპირისპირების შემდეგ, პოლიციამ 10-ზე მეტი ადამიანი დააკავა, მათ შორისაა მთავარი არხის ოპერატორი, სერგი ბარამიძეა. ის ადგილზე სამსახურებრივი მოვალეობის შესულების დროს, ძალის გამოყენებით დააკავა პოლიციამ

მთავარის ინფორმაციით, სამართალდამცავებმა დაკავებისას ოპერატორზე ფიზიკურად იძალადეს.

დაკავებულები ამ დროისთვის წინასწარი დაკავების იზოლატორში არიან.

საპატრულო პოლიციის დეპარტამენტის მთავარი სამმართველოს უფროსის მოადგილემ გოგა მემანიშვილმა მთავარია არხის ოპერატორის დაკავებასთან დაკავშირებით ასეთი კომენტარი გააკეთა:

"სასამართლოზე მიბრძანდება და იქ დაამტკიცოს თავისი უდანაშაულობა. ოპერატორი ან ჟურნალისტი, თუ კანონს არღვევს, ხელშეუხებელია?", — განაცხადა მემანიშვილმა.

„თუ არღვევდა კანონს - დააკავებდნენ, როგორც სხვა მოქალაქეს. რას იღებდა არ ვიცი, არ შევსწრებივარ მის დაკავებას. სერგი ბარამიძეს განუმარტავდა პატრულ-ინსპექტორი დაკავების არსს. სასამართლოზე მიბრძანდება და იქ დაამტკიცოს თავისი უდანაშაულობა. ოპერატორი ან ჟურნალისტი, თუ კანონს არღვევს ხელშეუხებელია? თვითონ დაკავებულს განემარტებოდა დაკავების არსი, თუ უდანაშაულოდ ცნობს თავს სასამართლოში [იტყვის]", — განაცხადა გოგა მემანიშვილმა მთავარ არხთან.

პოლიციამ "პუბლიკის" ჟურნალისტზე ფიზიკურად იძალადა

მელიქიშვილის გამზირზე, პოლიციასა და აქციის მონაწილეებს შორის დაპირისპირებაა — დაკავებულია რამდენიმე პირი