თბილისის სახელმწიფო უნივერსიტეტთან მიმდინარე სამოქალაქო პროტესტის დაშლისას, პოლიცია ფიზიკურად გაუსწორდა "პუბლიკის" ჟურნალისტ მინდია გაბაძეს.

გაბაძის თქმით, პოლიციის ფორმაში გამოწყობილი პირები ხელს უშლიდნენ მუშაობაში და ტერიტორიას ხელის ბიძგებით არიდებდნენ, მოგვიანებით კი სპეცრაზმის წარმომადგენელმა დაარტყა.

"პოლიციის ფორმაში გამოწყობილმა პირებმა რამდენიმეჯერ მიბიძგეს, შემდეგ კი სპეცრაზმის ფორმაში [გამოწყობილმა] დამარყა და დამემუქრა, შემდეგ კი პოლიციელებმა გააგრძელეს აქაიქ ჯიკაობა", — განაცხადა მინდია გაბაძემ.

ჟურნალისტების და ოპერატორების დევნის და დაკავების შეტყობინებებით მედიაომბუდსმენმა სპეციალურ საგამოძიებო სამსახურსაც მიმართა. ჟურნალისტური საქმიანობის შესრულების პროცესში დააკავეს მთავარი არხის ოპერატორი სერგი ბარამიძე — სამართალდამცველები ხელს უშლიდნენ სხვა მედიების წარმომადგენლებსაც.