რუმინეთის საგარეო საქმეთა მინისტრმა, ლუმინიტა ოდობესკუმ ევროკავშირის საგარეო საქმეთა საბჭოს სხდომის დაწყებამდე ჟურნალისტებთან საქართველოში ჩატარებულ საპარლამენტო არჩევნებთან დაკავშირებით შეშფოთება გამოხატა და აღნიშნა, რომ "საქართველოს ევროპულ გზაზე შენარჩუნება მნიშვნელოვანია".

მანვე აღნიშნა, რომ დღევანდელ შეხვედრაზე განიხილავენ საქართველოში არსებულ მდგომარეობას.

"შეშფოთებული ვართ იმით, თუ როგორ ჩატარდა საქართველოში არჩევნები, ამავდროულად, ქართველი ხალხის ევროპული მისწრაფებების გათვალისწინებით, მნიშვნელოვანია საქართველოს ევროპულ გზაზე შენარჩუნება", — აღნიშნა რუმინეთის საგარეო საქმეთა მინისტრმა.