აშშ-ს სენატში რესპუბლიკური პარტიის ლიდერად ჯონ ტუნი აირჩიეს. ის ამ პოზიციაზე მიტჩ მაკკონელს ჩაანაცვლებს, რომელიც სენატში რესპუბლიკელთა ლიდერის პოსტს ბოლო 18 წლის განმავლობაში იკავებდა.

სენატორმა ჯონ ტუუნმა სამხრეთ დაკოტადან ტეხასის სენატორი ჯონ კორნინი დაამარცხა. სამხრეთ დაკოტელი სენატორი რესპუბლიკურ პარტიას იანვრიდან უხელმძღვანელებს. იანვრიდან რესპუბლიკელი პრეზიდენტის პარალელურად, უმრავლესობაში აშშ-ს წარმომადგენელთა პალატასა და სენატშიც რესპუბლიკელები იქნებიან.

"ძალიან დიდი პატივია, რომ მოვიპოვე ჩემი კოლეგების მხარდაჭერა სენატის ხელმძღვანელობისთვის 119-ე კონგრესში, მე ვამაყობ სამუშაოთი, რომელიც ჩვენ შევასრულეთ იმისთვის რომ მოგვეპოვებინა უმრავლესობა. ეს რესპუბლიკური გუნდი გაერთიანებულია პრეზიდენტ ტრამპის დღის წესრიგის მიხედვით და ჩვენი სამუშაო დღეს იწყება" — განაცხადა ტუნმა.